Reseılik oppozısıoner Alekseı Navalnyıdyń qańtar aıynda búkilreseılik narazylyq aksıasyn ótkizýge shaqyrǵan vıdeo úndeýi buǵattaldy. Saıasatker úndeýinde jaqtastaryn Reseıdegi prezıdent saılaýyna qatysýyna qarsy saılaýshylar ereýilin ótkizýge shaqyrǵan, dep Qamshy.kz aqparat agenttigi Azattyqqa siltep jazady.
YouTube servısinde jarıalanǵan vıdeo úndeýdiń ne sebepti buǵattalǵany ázirge belgisiz. Alekseı Navalnyıdyń ózi vıdeosynyń buǵattalý sebebin anyqtap jatqanyn málimdedi.
Da, poslednee vıdeo s prızyvom na aksıý 28.01 vsó-takı zablokırovano. Razbıraemsá pochemý. A vy poka naıdıte grýppý zabastovkı svoego goroda v etom spıske ı vstýpıte v neó. Eto samoe pravılnoe https://t.co/eTFfleNxkJ
— Alexey Navalny (@navalny) December 28, 2017
25 jeltoqsanda Reseıdiń Ortalyq saılaý komısıasy Navalnyıdy «Kırovles» isine qatysty sotty bolǵany úshin prezıdent saılaýyna kandıdat retinde tirkeýden bas tartqan. Saıasatker buǵan jaýabynda saılaýǵa boıkot jarıalaýǵa jáne qarsylyq aksıalaryn ótkizýge shaqyrǵan. Budan soń Kreml Navalnyıdyń saılaýǵa boıkot jarıalaýǵa shaqyrýynyń Reseı zańdaryna qanshalyqty saı keletinin tekserý keregin málimdegen.
Reseıde prezıdent saılaýy 2018 jyldyń 18 naýryzyna belgilengen. Saılaýǵa Navalnyıdan ózge telejúrgizýshi Ksenıa Sobchak, bıznesmen Sergeı Polonskıı, kásipkerler quqyǵyn qorǵaıtyn ýákil Borıs Tıtov, Reseı lıberaldyq-demokratıalyq partıasynyń (LDPR) jetekshisi Vladımır Jırınovskıı, «Iabloko» partıasyn qurǵan Grıgorıı Iavlınskıı qazirgi prezıdent Vladımır Pýtın qatyspaq nıeti baryn málimdegen.
