Qyrǵyz Resýpblıkasynyń Prezıdenti Sooronbaı Jeenbekov Eýrazıalyq ekonomıkalyq odaqtyń Keden kodeksi týraly Kelisimin ratıfıkasıalaý týraly zańǵa qol qoıdy, dep habarlaıdy Qamshy.kz aqparat agenttigi «QazAqparat»-qa silteme jasap.

Buǵan deıin atalǵan zańǵa Armenıa Respýblıkasy, Belarýs Respýblıkasy, Qazaqstan Respýblıkasy men Reseı Federasıasynyń basshylary qol qoıǵan bolatyn.

Osylaısha, eýrazıalyq «bestiktiń» barlyq memleketinde joǵarǵy bılik organdarymen EAEO Keden kodeksi týraly Kelisimdi bekitý kezeńi aıaqtaldy.

«Qazirgi ýaqytta Armenıa, Belarýs, Qazaqstan jáne Reseı elderiniń syrtqy ister mınıstrlikterinen jańa Keden kodeksiniń ratıfıkasıalanǵany týraly habarlandyrý alyndy», - deıdi Eýrazıalyq ekonomıkalyq komısıanyń kedendik seriktestik boıynsha mınıstri Muqaı Qadyrqulov.

Memleket basshylarynyń kelisimderine sáıkes, Eýrazıalyq ekonomıkalyq odaqtyń Keden kodeksi 2018 jyldyń 1 qańtarynan bastap kúshine enip, 2010 jylǵy Keden odaǵynyń Keden kodeksiniń ornyna qoldanylady.

Eske sala ketsek, EAEO Keden kodeksin ázirleý 2013 jyldan bastap júrgizilgen bolatyn. Odaqtyń jańa keden zańnamasynyń jumysyna Eýrazıalyq ekonomıkalyq odaqtyń 300-ge tarta sarapshysy, atqarýshy bıliktegi memlekettik organdardyń jáne EAEO bıznes-birlestikteriniń ókilderi atsalysty. EAEO Keden kodeksiniń maqsaty - barynsha tikeleı áreket etý úshin biryńǵaı kedendik zańnama jasaý bolyp tabylady.