Astana ákimi Áset Isekeshov turǵyndardy Jańa jyldarymen quttyqtady, dep jazady Qamshy.kz aqparat agenttigi.

Qurmetti astanalyqtar jáne qala qonaqtary!

Sizderdi Jańa 2018 jyldaryńyzben shyn júrekten quttyqtaımyn!

Halqymyz ıt jylyn jaqsylyqtyń, bereke men tatýlyqtyń jarshysy dep qabyldaǵan. Bizdiń de keler jyldan kúterimiz kóp, ótken jylǵa ókpemiz joq. 2017 jyl Astana úshin tabysty boldy. Ekonomıka, mádenıet, týrızm jáne áleýmettik salalarda damýdyń oń dınamıkasyna qol jetkizildi. EKSPO kórmesin joǵary deńgeıde ótkizdik. Munyń bári Elbasymyzdyń aldymyzǵa qoıǵan naqty tapsyrmalary men barsha astanalyqtardyń qajyrly eńbeginiń arqasy.

Búginde Elordamyzdyń Alataý baýraıynan Arqa tósine aýysqanyna jıyrma jyl. Bul ótkenimizdi saralap, keleshekti baǵamdaıtyn mańyzdy sát. Jıyrma jylda Astana qalasy adam tanymastaı ózgerdi. Astanany damytýdyń uzaq merzimdik jospary óz merziminde oryndalyp keledi. Jańa 2018 jyl da elimiz ben Elorda tarıhynda mańyzdy ózgeristermen este qalady dep senemin!

Sizderge Jańa jylda jańa tabys, mol baqyt tileımin!

İzgi nıetpen,

Astana qalasynyń ákimi    Áset Isekeshev