Búgin Oral qalalyq mádenet jáne demalys saıabaǵynda mereke aldyndaǵy kópshilik júgirý ótti. Sharaǵa oblys jáne qala basshylyǵy men eki myńnan astam qala turǵyny qatysty. Maqsat – Elbasy N. Nazarbaevtyń buqaralyq sportty damytý týraly tapsyrmasyn oryndaý jáne turǵyndar arasynda salaýatty ómir saltyn nasıhattaý. Aıta ketý kerek, mereke aldyndaǵy kópshilik júgirý sharasyna eresektermen birge jasóspirimder erekshe belsendilikpen qatysty.
Kóppen birge 2,5 shaqyrym qashyqtyqty júgirip ótken oblys ákimi mundaı sharalardyń ótkizilýi salamatty eldi qalyptastyrý, sportqa degen qyzyǵýshylyqty arttyrýda mańyzy zor ekenine nazar aıdardy. Sondaı-aq bul sharany aldaǵy qysqy olımpıada oıyndaryndaǵy Qazaqstan sportshylarynyń jeńisine arnalatynyn aıtty.
- Barshańyzdy kele jatqan Jańa jyl merekesimen shyn júrekten quttyqtaımyn. Sizder búgingi kópshilik júgirý sharasyna qatysý arqyly sportty qoldaıtyndaryńyzdy kórsettińizder. Elbasy N. Nazarbaev sportty damytýǵa erekshe kóńil bólý kerek ekendigin aıtyp keledi. Bizdiń Batys Qazaqstan oblysynda sporttyń túrli salasynda jetistikke jetip júrgen sportshylarymyz óte kóp. Búgingi sharaǵa qatysý arqyly da sizder sportty súıetinderińizdi dáleldedińizder. Búgingi sporttyq sharany 2018 jylǵy qysqyolımpıada oıyndaryna qatysatyn Qazaqstan komandasyna arnaımyz, - dedi A. Kólginov.
