Birinshi toqsannyń ózinde tegin dárilik qamtamasyz etý úshin jalpy preparattardyń 874 ataýy satyp alyndy, dep habarlaıdy Qamshy.kz aqparat agenttigi QR Densaýlyq saqtaý mınıstrligine silteme jasap.

Bir derekkózden 90 kúndik qajettilikti qamtamasyz etý úshin  13,3 mlrd. teńge bolatyn 328 dári-dármekter men medısınalyq maqsattaǵy buıymdar satyp alyndy. Olar 2018 jyldyń birinshi toqsanynda eldiń medısınalyq mekemelerine jetkiziledi.

Qujattardyń tolyq paketin usynyp, preparattarǵa eń tómengi baǵa usynatyn 24 kompanıa 2018 jyldyń qańtar aıynyń basynda Biryńǵaı dıstrıbútordyń qoımalaryna dárilik zattardy jetkizýdi bastaıdy. Baǵany tómendetý jónindegi kelissózderdiń qorytyndysy boıynsha Biryńǵaı dıstrıbútor 1,7 mlrd. teńgege jeńildikke qol jetkizdi. Aýrýhanalar bul aqshany qosymsha dárilerge jumsaı alady.

Aıta ketý kerek, qazirgi kezde dári-dármekter otandyq óndirýshilermen, tikeleı kelisimsharttar boıynsha sheteldik óndirýshilerden jáne jetimdik preparattaryn satyp alý boıynsha tender arqyly satyp alynǵan dári-dármektermen kelisim-sharttar sheńberinde SK-farmasıa qoımalaryna jetkizile bastady.

Dári-dármekterdiń taǵy 15 ataýy halyqaralyq uıymdarmen - IýNISEF pen BUUDB kelisim-sharttary boıynsha jetkiziledi. Osylaısha, búgingi kúni dári-dármektiń 881 ataýy satylyp alyndy.

Qazaqstandyqtardy dári-dármekpen qamtamasyz etýde kidiris bolmaýy úshin, Úkimet Biryńǵaı dıstrıbútordyń satyp alý rásimderin retteıtin qaǵıdalaryna ózgertý engizý týraly sheshim qabyldady, oǵan dárilik zattardyń úsh aılyq qajettiligin bir kózden satyp alý múmkindik bere otyryp – mundaı rásimder qazaqstandyq naýqastar úshin tegin dáriler qol jetimdi bolýyna qysqa merzimde satyp alýdy júzege asyrýǵa múmkindik beredi. Úkimet qaýlysy búgingi kúni kúshine endi jáne Biryńǵaı dıstrıbútor satyp alý rásimderiniń bastalýyn dereý jarıalady.