Qazaq estradasyna jańa dýet keldi. Balalarǵa arnalǵan «Aıgólek» baıqaýynyń júrgizýshisi Nazym Abildına men jas ánshi Erkesh Hasen úlken sahnaǵa qanat qaqty. Budaı bylaı Erkesh pen Nazym dýet bolyp óner kórsetedi.
Erkesh jańa jobanyń jumysyna túbegeıli bet buryp, Astana qalasynan Almaty qalasyna qonys aýdardy. Qazir dýet jańa ánderin jazyp, sahnalyq obrazdaryn daıyndaý ústinde.
Dýettiń prodúseri «Aıgólek» baıqaýynyń jetekshisi Ǵalıa Baıbosynova. Al «Daýys International» tobynyń ánshisi bolǵan Aısha Baıbosynova jastarǵa kómek berip, vokaldan dáris berýde.
Esterińizde bolsa, Erkesh osydan birneshe jyl buryn Reseıdiń «1-arnasynda» «Mınýta slavy» baǵdarlamasyna qatysyp, barsha jurtshylyqty tanqaldyrǵan bolatyn. Baıqaý barysynda Reseıdiń ataqty ánshilerimen birge óner kórsetip, baıqaýdyń uıymdastyrýshylaryn tánti etti. Nátıjesinde fınalıst atandy.
Jańadan estradamyzǵa aıaq basqan jas talanttarǵa sáttilik tileımiz!
"Baistars.kz"
