Instagram juldyzy Aıjan Baızaqova óziniń qatysýymen daý týǵyzǵan vıdeo túsirilgen «Zakova» klýbynyń jabylatyndyǵyn aıtty.
El arasynda daý týdyrǵan Instagram juldyzy bul jaıynda óziniń áleýmettik jelidegi paraqshasynda habarlady.
«Biz «Zakova» klýbyn jabatynymyzdy habarlaǵym keledi. Onyń sebebin ózderińiz de biletin shyǵarsyzdar… Bul bizde kóńil kótergen satqyndardyń kesirinen boldy. Olar bolyp jatqan oqıǵanyń bárin uıaly telefondarynyń kamerasyna túsirip, jelige salyp jibergen. Quttyqtaımyn, degenderińizge jettińizder! Mundaı jaǵdaıda barlyq klýb, barlardy jaýyp tastańyzdar. Barlyǵyńyz áýlıesizder ǵoı», – dep jazady Baızaqova.
Sonymen qatar Aıjan Baızaqova Instagram jelisinde tikeleı efırge shyǵyp, atalmysh klýbty jaýyp tastap, qol qýsyryp qarap otyrmaıtynjyǵyn málimdegen.
"Bizden jabylýymyzdy surap otyr, bar jaǵdaıdy túsinip otyrǵan bolarsyzdar. Biraq biz qol qýsyryp qalmaımyz. (...) Iá, bar jabldy. Bizde kóńil kóterip, demalǵan, sonyń barlyǵyn vıdeoǵa túsirip, Jelige taratqan jigitterdiń arqasynda. Olardy egeýquıryq satqyndar degennen ózge sóz tabylmady. Ol jerde kóńil kótermegen adam bolsa, túsinýge bolatyn edi", - deıdi Aıjan Baızaqova.
