«KHDR Qazaqstannan úlgi alyp, ıadrolyq qarýdan bas tarqany durys bolar edi». Dál osyndaı pikirdi seısenbi kúni BUU janyndaǵy turaqty  ókili  Qaırat Omarov bildirdi.  Bul týraly Qamshy.kz aqparat agenttigi TASS-qa silteme berip habarlaıdy.

 KHDR ıadrolyq qarýsyzdandyrylǵan ýaqytta Reseı men Qytaı Lıvıadaǵy sıaqty jaǵdaıdyń oryn almaýyn qadaǵalaıtyn bolady dedi Q.Omarov.

«Qazaqstan Soltústik Koreıaǵa  úlgi bolyp otyr. Biz ıadrolyq qarýdan bas tarttyq, synaq polıgonyn japtyq, osy arqyly ózimizdi ıadrolyq qarýsyz memleket retinde jarıaladyq. Qazirgi ýaqytta biz ózimizdiń aımaqtyq seriktesterimizben jumys júrgize otyryp,  ıadrolyq qarýdan taza aımaq jasadyq. Bizge eshqandaı qaýip tónip turǵan joq. Ekonomıkalyq damýǵa basa nazar aýdaryp kelemiz, áskerı maqsattarǵa shyǵyn shyǵarmaımyz»-,dedi dıplomat.

«Bizdiń oıymyzsha, Soltústik Koreıa da bizden úlgi alýy tıis. Árıne, olardyń ózderiniń sebepteri men maqsattary bar. Alaıda, Reseı men Qytaı bul maqstattardyń júzege asýyna tosqaýyl bolady dep esepteımin»-deıdi ol.

Onyń aıtýynsha, 18 qańtarda «Jappaı qyryp-joıatyn qarýlardy taratpaý: senim sharttary» taqyrybynda debattar ótkiziletin bolady jáne onda el prezıdenti Nursultan Nazarbaev qatysatyn bolady.