Tanymal atanýdyń joly ár qıly. Biri kıno aktrısa bolýǵa umtylady, endi biri álemdi dúr silkindirgen jańalyq ashyp jatady, ózgesi mıllıarder atanady. Al tómengi tizimge engender munyń birin jasamaǵan, alaıda olardyń da álemge jar salyp kórsetýge turatyn is-áreketteri bar. Sheteldik BAQ jınaqtaǵan galereıa kimdi bolsa da beıjaı qaldyrmasy anyq.
8 aılyq Chahat Kýmar Úndistandyq Pendjaba qalasynda dúnıege kelgen. Onyń ereksheligi, dúnıege kelgen sátten salmaq jınaı bastaǵan. Qazirgi ýaqytta 8 aılyq sábıdiń salmaǵy – 17 kelini kórsetip tur. Bul 4 jastaǵy balalarǵa tán salmaq. Shekten tys salmaq sábıdiń dem alýyn qıyndatyp, uıqysyn buzady. Alaıda Chahat 4 adamǵa tatıtyn tamaqty jalǵyz ózi bir ýaqytta jeıtin kórinedi.
Úndistandyq Haıdarabad qalasynda turatyn otbasynda 11 adam bar. Alaıda eki jannyń ǵana boıy qalypty. Ózgeleri genetıkalyq dertke shaldyqqandyqtan kishi boıly bolyp keledi. Ári ol urpaqtan urpaqqa taraıtyn aýrý.
2008 jyly basketbolshy Ekaterına Lısına Pekınde ótken olımpıadada qola júldege ıe bolǵan. Endigi kezekte boıjetken álemdegi eń uzyn model atanýy armandaıdy. Onyń boıy – 205 santımetr.
Avstralıalyq Deb Roech dúnıe esigin bir qolsyz ashqanymen, bul kemshiligi boıjetkenniń tanymal bıshi atanýyna kedergi keltirgen joq.
1 jasqa kelgende kólik tizgindeı bilgen Djeıdın Smıt eki jasynda motokrosty ıgerdi. Qazir bala 4-te jáne ol motosıklmen erkin júredi. Ata-anasy balalary úshin ýaıymdaǵanymen, áli kúnge deıin jaraqat almaǵanyn aıtyp maqtanady.
2016 jyly Miss Ten USA baıqaýyna qatysqan Djıllıan Ýıláms onkologıalyq aýrýǵa shaldyǵady. Onyń súıekterine zaqym kelip, bir aıaǵynyń ortańǵy bóligin kesip tastaıdy. Zaqym kelmegen tabany men sıraǵyn teris aınaldyryp tikkenimen, Ýıláms úmitin úzbek emes. Ol voleıbol boıynsha olımpıada oıyndarynda boı kórsetýdi armandaıdy.
