KHDR Ońtústik Koreıamen joǵarǵy dárejedegi kelissózder júrgizýge kelisti, dep jazady Qamshy.kz aqparat agenttigi.

«Renhap» agenttiginiń málimetinshe, eki el ókilderiniń kezdesýi 9 qańtarda qala syrtyndaǵy Phanmýndjom aýylynda ótedi.

Osy aptada taraptar 3 qarashada qalpyna keltirilgen arnaıy baılanys jelisi boıynsha dıalogty jańartty. Kelissózderdi bastaý týraly buıryqty Kım Chen Yn bergen. Eki memleket buǵan deıin telefon arqyly eki márte sóılesken – 3 jáne 4 qańtar. Kelissózderde talqylanatyn máseleler jarıalanbady.

Buryndary Ońtústik Koreıa «ystyq jeli» arqyly dıalog bastaýǵa tyrysqan, alaıda nátıjesi oń bolmady. Óz kezeginde KHDR jańajyldyq sózinde Phenánnyń kelissózder júrgizýge jáne Olımpıadaǵa qatysýǵa qarsy emes ekendigin jetkizgen.

QR Parlament Senatynyń spıkeri Qasym-Jomart Toqaev KHDR men Koreıa Respýblıkasy arasyndaǵy jaǵdaıǵa baılanysty pikir bildirgen.

«Eki el arasyndaǵy baılanys jelisiniń qalpyna kelýi túbektegi jaǵdaıdyń damýynyń jaqsy betalysyn kórsetedi. Mazasyzdyq báseńdeıdi degen de úmit bar. HOK KHDR sporshylarynyń Ońtústik Koreıadaǵy Olımpıadaǵa barýyna qoldaý bildirdi, bul durys sheshim»,-dep jazdy Qasym-Jomart Toqaev óziniń Twitter paraqshasyna.