Pavlodar polısıasy ýatsap arqyly taraǵan oqıǵanyń qaıda bolǵanyn anyqtady. Jergilikti polısıanyń málimetinshe, dúkendegi oqıǵa Ýfa qalasynda bolǵan dep habarlaıdy Qamshy.kz aqparat agenttigi tengrinews.kz-ke silteme jasap.

«Gúl ustaǵan 26 jastaǵy er adam azyq-túlik dúkenine kirgen. Satyp alýshylardyń birine ony syılamaq bolǵan. Qyz bas tartqandyqtan oǵan pyshaq suqqan. Qyz sol jerde kóz jumdy. Oqıǵa 2017 jyl 21-shi jeltoqsanda boldy. Er adamnyń Ózbekstan azamaty ekeni anyqtaldy» dep habarlady İİD baspasóz qyzmeti.

Pavlodar polısıasy oqıǵa Pavlodarda boldy dep beıne jazbany taratqandardy izdestirý jumystary jalǵasyp jatqanyn habarlady.  

Aıta keteıik, atalmysh vıdeo jelide jańa jyldyq meıramdardan keıin taralǵan. Beıne jazbada «2018 jyly Pavlodarda bolǵan jaǵdaı» degen ataýmen taraǵan. Al áleýmettik jelide vıdeo «Pavlodar, «Pahomovskıı» dúkeni» degen ataýmen taraǵan.

Vıdeony kim, qandaı maqsatta taratqany ázirshe belgisiz. Halyqty dúrliktirgen adam qylmystyq jaýapkershilikke tartylýy múmkin.

Eskertý, 18 jasqa tolmaǵandarǵa kórýge bolmaıdy.