Almatydaǵy "Nur Múbárak" ýnıversıtetinde qyzmet etip júrgen Rızabek Battaluly ýaǵyzdarynyń birinde áıelderge qol kóterý týrasynda aıtty, dep jazady Qamshy.kz aqparat agenttigi.

Rızabek Battalulynyń aıtýynsha, sharıǵat boıynsha áıeldi urýǵa ruqsat berilgen. Ol er azamattarǵa aıtqanǵa kónbegen áıelderdi qalaı durys urýǵa bolatynyn túsindirdi. Battalulynyń aıtqan ýaǵyzynyń vıdeosy áleýmettik jelide tarady.

«Paıǵambarymyz úılerińde qamshy ilýli tursyn degen. Ata-babalarymyzdyń tórge qamshy ilip qoıatyn bolǵan. Áıel ol qamshydan seskenip júredi. «Levyı-pravyı» ketti me, ol qamshynyń tıetinin biledi. Atalarymyz kıimniń syrtynan osyp jiberetin bolǵan. Jonyńnan taspa tilem degen sodan shyqqan. Qaıystyń ushy tıse, jorǵalap ketesiń sen. Paıǵambarymyzdyń ol jaıly hadısi de bar. Eger nasıhatyńdy tyńdamasa, senderge jaraqat salmaıtyn deńgeıde urýǵa ruqsat etiledi degen. Sharıǵat boıynsha betten urýǵa bolmaıdy. Biraq jelkesinen qysyp qoısań bolady", — dep túsindirdi Rızabek Battaluly.

"Bostyq qylyp, shekten shyǵaryp alsaq, qudaıdyń aldynda jaýap beremiz. Qatigezdik tanytyp, bir jerin syndyryp alsaq ta jaýapty bolamyz», — deıdi.

Vıdeony myna siltemege ótip kóre alasyzdar.