Qýandyq Bıshimbaev sotta túsinikteme berýdi bastady. Bul týraly Tengrinews.kz tilshisi habarlady, dep jazady Qamshy.kz aqparat agenttigi.

Ulttyq ekonomıkanyń eks-mınıstri qylmystyq isiniń mán-jaıyn túsindirýge kóshti. Sóz basynda Elbasy men qazaqstandyqtardy jerge qaratqanyna ókinetinin aıtty.

«Men Qazaqstan prezıdenti, Elbasy Nursultan Nazarbaevqa mynany aıtqym keledi. Barlyq kásibı jetistikterim úshin memleket basshysyna qaryzdarmyn. Qaıda bolsam da, «Samuryq», «Báıterek», mınıstrlik bolmasyn Elbasynyń tapsyrmalaryn múltiksiz oryndaýǵa tyrystym. Al prezıdenttiń tapsyrmalary Qazaqstan azamattary úshin jasaldy: turǵylyqty meken, jumy... Men sekildi jas mamanǵa senim artqan Elbasyna rızamyn», - dedi sotta Qýandyq Bıshimbaev.

«Prezıdenttiń aldynda aıypty ekenimdi moıyndaımyn. Men jumysqa shaqyrǵan adamdar: Jaqsybaev, Jakýpov jáne ózgeleri meni satyp ketti. Sol úshin Memleket basshysynyń aldynda jaýapqa tartyldym. Elbasynyń senimin aqtaı almaǵanym úshin uıalyp ta, qınalyp ta turmyn. Meniń senimime kirip, túbi sony paıdalanǵan adamdarmen jumys istegem ekenmin. Memleket basshysynan, halqymnan keshirim suraımyn», - dep málimdedi ulttyq ekonomıkanyń eks-mınıstri.

Sondaı-aq Bıshimbaev aıyptaý aktisinde sıpattalǵan qylmystar úshin kináli emes ekenin jetkizdi.  

Aıta keteıik, Burynǵy ekonomıka mınıstri QR Qylmystyq kodeksiniń 366-babynyń 4-bóliginde kózdelgen  «para alý» qylmysy boıynsha jáne 189-baby 2-tarmaǵynyń 4-bóliginde - «basqa adamdardyń senip tapsyrylǵan múlkin taǵaıyndaý nemese urlaý» boıynsha aıyptalǵan.