Instagram áleýmettik jelisinde juldyzǵa aınalǵan Aıjan Baızaqova The Efır baǵ,darlamasyna suhbat berdi dep habarlaıdy Qamshy.kz aqparat agenttigi.
"Men týraly jaman oılaǵyńyz kelse, óz erkińiz"-deıdi Aıjan.
"Mektepte nashar oqydym. Tipti sabaqtan qýylǵan kezderim de bolǵan. Ul balalarmen tóbelesip júretinmin. Mektep ınspektory ákemdi jıi shaqyrtatyn. Ýnıversıtetti 3-kýrstan keıin tastap kettim. Sebebi onda beretin bilimdi men ózimde izdenip oqı alar edim.
Taıkvando sportynyń úzdigi bolýdy qaladym. Anam da osy baǵytta tanylǵanymdy qalady"-dedıi ol.
"Kúndelikti ómirde dalada júrgen kezde qasyma 6 jastaǵy qyzdar kelip saǵan uqsaǵymyz keledi deıdi. Osyndaı kezderi shyny kerek uıalamyn. Olarǵa meniń paraqshamdy oqymańdar dep aıtamyn. Bul jaǵynan olardyń maǵan eliktegeni durys emes dep oılaımyn. Internette menen soraqy, menen nashar ómir saltyn ustanatyndar jetip artylady. Shaǵymdanatyndarǵa balany dúnıege ákelgen soń, ony tárbıeleıtin ózińsiń. Neniń durys, neniń burys ekenin balaǵa túsindir dep aıtamyn",-deıdi Baızaqova.
"Instagramdaǵy meniń paraqshama balaǵat sózder jazatyndardyń kópshiligi úıde otyrǵan balaly áıelder. Olar meniń erkindigimdi kóre almaıdy. Syrtqa shyǵyp, qydyra almaıtyn áıelder meniń ómir saltyma qyzyǵa qaraıdy"-deıdi ol.
"Men jaqsy qyzdar úshin erkekterden kek alamyn".
Aıjan óziniń ómir qalpyn eks-súıiktisinen ósh alý úshin jasaǵanyn aıtady. Shyndyǵyna kelgende, osynyń bári burynǵy mahabattymnan kek alý úshin jasalǵan bolatyn. Alaıda, qazir ol meniń paraqshamdy oqı ma, bilmeımin.
Aıjan Baızaqovanyń aıtýynsha, osy ýaqytqa deıin onyń basty tabys kózi- ınstagram jelisindegi jarnama arqyly bolǵan. Sonymen birge qazir jabylyp qalǵan barynan da kiris kórgen.
"17 jeltoqsanda barda bolǵan jaǵdaıǵa keler bolsam, qyzdar sheshinedi dep kútken joqpyn jáne olardy sheshinsin dep qınaǵan joqpyn. Shynymdy aıtsam, olardyń sheshingenine qatty tańqaldym. Osy oqıǵanyń ertesinde vıdeo ınternetke taralyp ketkenin bilgen kezde, qyzdar úshin ýaıymdadym. Óz-ózderine qol jumsap júrmeı me degen oı keldi.
Qamaýda bolǵan úsh kúnde 9 kitap oqym úlgerdim. Barlyǵy meniń qamaýdan shyqqan keıin túzelemin, ómir súrý qalpymdy ózgertemin dep oılady. Alaıda, olaı bolatyn bolsa, bul men emes, basqa bolar edi. Eshkimnen kek alatyn oıym joq. Onsyz da jeke ómirimniń problemalary jetip artylady"-deıdi jas qyz.
