Ekibastuz polısıasy alaıaqtyq jasaǵan 25 jastaǵy jergilikti turǵyndy izdeıdi dep habarlaıdy Qamshy.kz aqparat agenttigi patrul.kz-ke  silteme jasaı otyryp. Salyq Qaǵbatolla Qabdollauly esimdi er azamatty  30.11.1993 jyly dúnıege kelgen.

«2017 jyldyń jeltoqsan aıynyń sońynda kúdikti bir qyzben  áleýmettik jelilerde tanysyp, sóılese bastaıdy. Tanysqannan keıin kúdikti qyzdyń meken jaıyn bilip, qyzǵa barady. Bala qyzdyń úıine qonaqta bolyp, basynan ótken qaıǵyly oqıǵa týraly aıtady. Sodan keıin yńǵaıly sátti kútip aqshany, qyzdyń qundy zattaryn urlap, joǵalyp ketken», - dep habarlady oblystyq İshki ister departamentiniń baspasóz qyzmeti.

Kúdikti jigit osyndaı áreketterimen birneshe qyzdy aldaǵan. Tanysqan qyzdaryna úılenýge usynys jasap, toı jasaımyz dep qyzdarǵa nesıe aldyrtqan. Artynsha jigit joǵalyp ketken.

Polısıa qyzmetkerleri kúdiktini izdestirýde.  Kez kelgen adam osy kúdiktini kórse nemese is-áreketteri kúdik týdyrsa  Ekibastuz polısıa bólimine qońyraý shalsyn: «102», 8 (7187) 06-06-75 nemese WhatsApp + 707-700-40-56 nómirne habarlama jassyn.