21 qańtarda Pavlodar kósheleriniń birinde qara tústi « Sýbarý Forester» markaly kólik jaıaý júrginshilerge arnalǵan arnaıy jolymen besik arbasymen ótip bara jatqan áıeldi qaǵyp ótken bolatyn.

Jol talǵamaıtyn jeńil kólik joldyń aıryǵyna jartylaı shyǵyp qalǵan da kórinedi. Budan keıin júrgizýshi toqtamaı, iz sýytady. Jol oqıǵasy saldarynan 29 jastaǵy Zarına Janshúkova esimdi azamatsha onyń Mıras esimdi nárestesi túrli jaraqatpen aýrýhanaǵa túsedi. Zardap shekken azamatshanyń jubaıy Azamat Janshúkovtyń aıtýynsha, kináli túngi saǵat 23:00 shamasynda keshirim surap aldaryna keledi.

«Qatty qobaljydym, bolǵan jáıtqa sengim kelmedi,sol sebepti de oqıǵa ornynan dereý ketýdi jón kórdim,»-dep keshirim ótindi dedi jubaıy. Azamat Janshúkov ( japa shegýshiniń jubaıy): Meni qynjyltatyny basqa nárse,ne sebepti jol polısıa qyzmetkerleri 7 saǵat boıy kinálini taba almady,tipten bul oqıǵa beınetaspaǵa túsip te qalǵan edi .

Azamat Janshúkov ( japa shegýshiniń jubaıy): Alǵashynda jol polısıa qyzmetkerleri bizge kólik tizginin ustaǵan er adam degen bolatyn, endi mine áıel adam bolyp shyqty. Bilýimshe,bul azamatsha UQK-nyń nemese İİD-i qyzmetkeriniń jubaıy kórinedi.

Alaıda ..

Bul málimetterdi polısıa qyzmetkerleri joqqa shyǵaryp otyr. Qalaı desek te,bastysy,sábı men ana jaǵdaıy turaqtalyp keledi. Zarına Janshúkova qazir aýrýhanada, dárigerler onyń jaraqaty ortasha deńgeıde dep otyr. Bas súıegine zaqym kelgen, omyrtqasy synǵan. Al 6 aılyq Mıras qazir úıinde,aman-esen..

Endi mine,osy jan túrshigerlik jaǵdaıǵa baılanysty  42 jastaǵy aıyptalýshynyń ústinen Qylmystyq kodekstiń 14 taraý 345 - baby boıynsha qylmystyq is qozǵaldy. Polısıa qyzmetkerleriniń paıymdaýynsha,eger de dárigerler japa shegýshiniń jaǵdaıy ortasha deńgeı dep baǵalasa, aıyptalýshynyń jazasy jeńil. Ne 600 myń teńge kóleminde aıyppul, ne 75 táýlik boıy qamaýda bolady.

Nazerke Toǵjanova «Qamshy» silteıdi