Boks álemindegi dara tulǵa, 1974-1978 jyldary aralyǵynda aýyr salmaqtaǵy álemniń absolútti chempıony Muhammed Álıdiń chempıondyq tıtýldy alǵash ret qorǵaǵan kezde kıgen bylǵary qolǵaby bássaýdaǵa shyǵarylady, dep habarlady Associated Press.

Saýda 21 aqpanda Nú-Iorktegi Heritage Auctions aýksıon úıinde ótkiziledi. Ol mıllıon dollardan astam qarajatqa baǵalanady dep kútilýde.

1965 jyly 25 mamyrda Kassıýs Kleı atymen shyǵyp júrgen aýyr salmaqtaǵy Álı osy qolǵapty kıip atyshýly Sonı Lıstondy jeńgen. Birinshi kezeńde Álı qarsylasyn nokaýtqa jibergen bolatyn.

Buǵan deıin de 2014 jyldyń tamyzynda Klıvlendtegi bássaýdada Álıdiń Djo Freızermen kezdeskende kıgen qolǵaby satylǵan bolatyn. Belgisiz bireý bul lotty 388,3 myń dollarǵa satyp alǵan .

Nazerke Toǵjanova

Derekkóz: QazAqparat