Mark Sýkerberg Facebook áleýmettik jelisiniń negizin salýshy retinde jelidegi ózgerister jaıyn habarlaǵan bolatyn. Sol sebepti  Facebook kompanıasynyń baǵaly qaǵazdar baǵamdarynyń quny 4,5 paıyzǵa tómendedi, dep habarlaıdy Qamshy.kz aqparat agenttigi nasdaq.com málimetine súıenip. 

Mark Sýkerbergke kompanıanyń 14 paıyz aksıasy tıesili. Al aksıa baǵasynyń tómendeýi bıznesmenge 3,2 mıllıard dollar shyǵyn ákeldi.

Aıta ketsek, «Men bizdiń jumys tobymyzǵa ózara áleýmettik árekettesýdi  qalyptastyrý úshin durys mazmundy kontent tabýǵa kómektesý maqsatynda ózgerister engizdim. Eń aldymen, sizder jańalyqtar lentasynan ózgeristerdi baıqaıtyn bolasyzdar» dep habarlaǵan bolatyn Mark Sýkerberg. 

Onyń aıtýynsha, túrli kompanıalar men BAQ-tyń posttary azaıyp, olardyń mazmuny adamdar arasyndaǵy mańyzdy qarym-qatynasty ornalastyrýǵa qatysty bolýy mindetteledi.

«Mundaı ózgeristerdi engizgennen keıin adamdar bul jelide kóp otyrmaıdy dep oılaımyn jáne de saıttarǵa kirý múmkinshiligi de azaıatyn bolady. Alaıda, siz Facebook jelisinde otyryp qurtqan ýaqytyńyz bos ketpeıdi dep úmittenemin. Eger meniń istep otyrǵanym durys bolsa, onda bul qoǵamǵa oń ózgerister engizedi dep oılaımyn», - deıdi ol.