Ánshi Qaırat Nurtas jas otbasy Ábdiraıymovtarǵa syılyq tartý etti. Óner juldyzy otbasynyń barlyq múshelerine gadjet pen teledıdar syılap, al kishkentaılardy oıynshyqtarmen qýantty.

20 jastaǵy Erbol Ábdiraıymov bildeı bir otbasyny jalǵyz ózi asyrap otyr. Ol kúnkóris qamy úshin kúzetshi jáne taksıst qyzmetterin qatar atqaryp nápaqa tabady jáne bıznes kolejinde bilim alady.

Onyń 4 qaryndasy bar. Eń kishkentaıynyń jasy úshte. Ata-analary qaıtys bolǵannan keıin, qaryndastaryna qamqorlyqty óz moınyna alǵan.

Erbol basyna túsken materıaldyq qıyndyqtarǵa qaramastan qaryndastaryn balalar úıine berýden bas tartqan.

"Bir-birlerimizge kómekteseıik, jaqsylyq jasaıyq. Erbol, baýyrym eshqandaı qıyndyqtarǵa qaramastan, óz qaryndastaryn qanatynyn astyna aldy. Oǵan Alla jar bolsyn!", - dep jazdy Qaırat Nurtas óziniń ınstagram paraqshasynda.

Eske sala ketsek, Qaırat Nurtas elimizge  eń tanymal ánshilerdiń biri. Onyń oryndaýyndaǵy ánder únemi hıtke aınalyp jatady. Al óziniń jeke shyǵarmashylyq keshterinde konserttiń bıletteri aldyn-ala satylyp ketedi. Ánshi qaıyrymdylyq sharalarymen aınalysyp, kóbinde kishkentaı aýrý balalarǵa kómek kórsetedi. ztb.kz