Arys qalasynda hıdjab kıetin oqýshynyń ata-anasy men mektep ákimshiligi arasynda daý týyndady, - dep habarlaıdy "31-arna".
Aısha Eskermes Arys qalasyndaǵy №376 mekteptiń ekinshi synyp oqýshysy. 17 qańtar kúni ata-ana mektepke qyzyn basyna oramal taqqyzyp jiberedi.Al mektep basshylyǵy ata-anany shaqyryp, zańda oqýshylar mekteptiń ishki tártibin saqtaýy kerek ekendigi jazylǵanyn túsindiredi.
«Mektepke oqýshylardyń oramal taǵyp kelýine bolmaıdy. Ata-analar jınalysyn ótkizdik, olardyń 99 paıyzy mektep ákimshiligin qoldady. Tipti, oqýshyny basqa mektepke aýystyrýdy surap otyr»,- deıdi mekteptiń oqý isi jónindegi meńgerýshisi Talǵat Ahmetov.
Mektep basshylyǵy Aıshany bilim ordasynyń jarǵysyn buzdy dep kinálaıdy. Al ata –ana aıtylǵanmen keliser emes.. Kerisinshe, qyzdyń ata-anasy mektep ákimshiligi qyz balanyń dinı erejelerdi ustanýǵa kedergi keltirip otyr dep esepteıdi.
Rýslan Ábilov ( oqýshy qyzdyń ákesi): "Biz ıslam dinin ustanamyz, Qurany Kárimniń "Nur" súresiniń 31-aıatynda "barlyq áıel oramal taǵyp, uzyn kóılek kıgeıýi tıis" dep jazylǵan. Biz de áýretti jaýyp júrýdi durys sanaımyz".
Qalalyq bilim bóliminiń ókilderi de bul daýda muǵalimderdiń ustanymyn durys dep esepteıdi.
Bilim bóliminiń ádiskeri Bereke Tasqymbaev myrza "Bul mekteptiń qys kezindegi formasy - aq aljapqysh, kók nemese qara tústi kıim. Basqa bant taǵýǵa bolady, al oramalǵa ruqsat etilmeıdi", - dese, sonymen qatar, Aısha Eskermestiń ata-anasyna eskertý jasaǵan muǵalimderdi jergilikti meshittiń ókilderi de qoldap otyrǵan kórinedi. Olar da eldegi erejeler men zańdardy ustaný dinı senimge qaıshy kelmeıdi. Oqýshy mektep ákimshiliginiń zańynda bekitilgen mektep kıimin kıýi tıis, al basqa jerlerde hıdjabyn kıe bersin,ol úshin mektepke barmaı qalýǵa ne mektep basshylyǵymen sottasýǵa bolmaıtyndyǵyn aıtty.
Dinı senim bostandyǵyn birinshi orynǵa qoıǵan Aısha Eskermestiń ákesi qyzynyń mektepte jalańbas júrýine úzildi-kesildi qarsy. Tipten, osy týrasynda prokýratýraǵa shaǵym túsirip te úlgeripti. Quqyq qorǵaý organdaryna shaǵymdanýǵa muǵalimder qaýymy da ázirlenip jatyrǵan kórinedi.
