Aqtóbe oblysynda avtobýstaǵy órtten zardap shekkenderdiń aty-jóni belgili boldy, qazir olardy Aqtóbege apara jatyr, dep habarlaıdy Qamshy.kz aqparat agenttigi  Sputnik Qazaqstanǵa silteme jasap.

Olardyń arasynda úsh júrgizýshi, Qazaqstan azamattary – 1985 jyly týǵan Maqsat Pernebek, 1968 jyly týǵan Nurjan Qyrǵyzbaev, 1978 jyly týǵan Barat Tańatarov bar. Olardyń barlyǵy Ońtústik Qazaqstan oblysynyń turǵyny. Qalǵan ekeýi  Ózbekstan azamaty – 1988 jyly týǵan Ahror Isakov jáne 1980 Isroıldjan  Myrzahmetov.   

Oblystyq densaýlyq saqtaý basqarmasy emdeý bóliminiń jetekshisi  Ásıa Trjanova úsh adamnyń din aman ekenin, al eki adamdy jeńil kúıik shalǵanyn málimdedi.   

Aıta keteıik, «Samara-Tashkent» tas jolynda avtobýs órtenip, 52 adam tirideı janyp ketken.

«2018 jyldyń 18 qańtarynda tańǵy saǵat 10:30-dar shamasynda Samara-SHymkent avtojolynyń 1068-shi shaqyrymynda, Qalybaı aýlyna 10 shaqyrym jerde Ikarus avtobýsy janyp ketken. Kólik ishinde 55 jolaýshy jáne 2 júrgizýshi bolǵan. Olardyń azamattyǵy anyqtalyp jatyr», - degen edi QR Tótenshe jaǵdaılar Komıtetiniń İİM ókili Rýslan Imanqulov.

Birneshe ýaqyttan keıin apat bolǵan orynnan vıdeo jarıalandy.