52 adam qaza tapqan avtobýstaǵy órt apaty tóbelestiń kesirinen janyp ketken bolýy múmkin. Aradaǵy kelispeýshilikter kezinde jumysshylardyń biri janarmaı toly bótelkeni dánekerleý lampasyna teýip jibergen.
Qazaqstannyń batysynda oryn alǵan apat jolaýshylardyń arasyndaǵy tóbelestiń kesirinen oryn alýy múmkin ekendigin ren.tv-ge súıene otyryp jazady Qamshy.kz aqparat agenttigi.
Oqıǵa kýágerleriniń birine súıensek, Ikarus ishindegi jolaýshylardyń birnesheýi dánekerleýshi lampanyń kómegimen jylynyp otyrǵan. Olardyń arasynda paıda bolǵan urys-keris kezinde jumysshylardyń biri benzın toly bótelkeni dánekerleýshi lampaǵa qaraı teýip jibergen.
Avtobýstyń tym tez otqa oranýy sebepti jolaýshylardyń aman qalýyna múmkindik bolmaǵan. Qaıǵyly oqıǵa nátıjesinde 52 adam jan tapsyrdy.
Tótenshe jaǵdaılar qyzmetiniń aldyn ala bergen málimetine súıensek, avtobýstaǵy symdardyń qysqa matasýy oryn alyp, esikter buǵattalǵan. Órtten tek 5 adam ǵana sytylyp shyqqan, onyń ishinde eki kólik júrgizýshisi bar. Olar Qazaqstan azamattary.
Bul sapar arqyly Reseıge Ózbekstan jumysshylary tasymaldaný ústinde bolǵan. Órtten qutylǵan beseýi tek jeńil kúıik jaraqattaryn alǵan jáne olarmen medısına qyzmetkerleri men psıhologtar jumys isteýde.
Belgili bolǵandaı, avtobýstyń ishi shamadan tys toly bolǵan. Salonnyń ishi sonshalyqty tar bolǵandyqtan, adamdar birden órtten qutylýdyń jolyn tappaǵan.
