Ońtústik Qazaqstan oblysyndaǵy Aqsýkent aýylynda turatyn keıýana 7 jyldan beri týǵan qyzy men nemeresin úıine qaıtara almaı zar ılep júr. Dúkendegi jumysynan oralmaǵan qyzy hat jazyp qaldyrypty. Tipti nemeresin de birge alyp ketken, dep jazdy Qamshy.kz aqparat agenttigi Otyrar.kz saıtyna silteme jasaı otyryp.
Paıǵambar jasynan asqan áje janyna jaqyn adamdaryn "Iegova kýágerleri" dinı birlestiginiń ókilderi úgittep alyp ketti dep otyr.
Kóz jasy kól bolǵan ana qazir qara basy qańyraǵan úıde jalǵyz qaldym dep nalıdy. Dinı birlestikten zábir kórgen bul jalǵyz adam emes deıdi turǵyndar.
Barno Iýldasheva, Aqsý aýylynyń turǵyny:
— 7 jyl boldy ketkenine. Bir kelgen edi. Úıge qaıtyp oral degenimde, «qaıta almaımyn ol múmkin emes. Bul meniń erkimde emes», - dedi.
