Aqtóbe oblysynda avtobýstan shyǵa almaı, tirideı janyp ketken 52 adamnyń oqıǵasyn qazir búkil álemniń BAQ-tary jarysa jazyp jatyr. Internet keńistigine kóz júgirsek, sońǵy 2017 jyldyń ózinde ǵana osyndaı oqıǵalar álemde birneshe márte qaıtalanypty. Endi avtobýstardaǵy órt oqıǵalaryna ret-retimen toqtalyp óteıik.

2017 jyldyń 3 shildesi,  Germanıa

Bavarıa aımaǵynda jolǵa shyqqan týrısik avtobýstyń ishinde 48 jolaýshy bolǵan. Onyń ekeýi – júrgizýshi. Italıanyń kýrorttyq qalasyna bara jatqan jergilikti zeınetkerler mingen avtobýs júk kóligine soǵylyp, avtobýs áp-sátte órttengen. 31 jolaýshy aýyr jaǵdaıda aýrýhana jetkizilip, 18 jolaýshy avtobýstyń ishinde tirideı janyp ketken.

2017 jyldyń 5 shildesi, Úndistan

Baralı qalasynyń mańynda 22 adam mingen jolaýshylar avtobýsy qarsy baǵytqa shyǵyp ketip, júk kóligimen soqtyǵysqan. Avtobýstyń dızel quıylǵan bagy atylyp, salonnyń ishi tutas jalynnyń qushaǵynda qalǵan bolatyn. Uıyqtap otyrǵan jolaýshylar qas-qyǵym sáttiń ishinde kúlge aınaldy. Órt sóndirýshiler oqıǵa ornyna jyldam jetkenimen, jolaýshylardy qutqarýǵa eshqandaı múmkindik qalmaǵan edi.

2017 jyldyń 2 shildesi Reseı, Tatarstan

Samaradan shyǵyp Ijevsk qalasyna bara jatqan avtobýs júk kóligimen betpe-bet soǵylý saldarynan aýdarylyp qalǵan. 28 jolaýshy mingen avtobýs tutas otqa orandy. Salonnan shyǵyp úlgermegen 14 jolaýshy oqıǵa orynynda mert boldy, olardyń ishinde eki bala bar. Tekserý qorytyndylary kórsetkendeı, jol apatyna júrgizýshiler kináli bolý múmkin degen nusqa qaralǵan. Tatarstanda osy oqıǵaǵa baılanysty qaraly kún jarıalandy. 

2017 jyldyń 14 shildesi, Ekvador

Kıto qalasynyń mańynda avtobýs aýdarylyp, salon ishinde jyldam órt shyqqan. Jergilikti tótenshe jaǵdaılar qyzmeti málimdegendeı, órtenegen avtobýstan 26 adam shyǵyp úlgerip, 14 jolaýshy tirideı janyp ketken.

Daryn Nursapar