Qatty aıazǵa baılanysty Qazaqstannyń birneshe oblysynda seısenbide de mektepterde sabaq toqtady dep habarlaıdy Qamshy.kz aqparat agenttigi Azattyqqa silteme jasaı otyryp. 23 qańtarda aıaz kúsheıgendikten Soltústik Qazaqstan men Shyǵys Qazaqstan oblystarynda jáne Astanada 1-11 synyp oqýshylary men kolejdiń 1-2 kýrs stýdentterine sabaq bolmaıdy. «Qazgıdromet» ortalyǵynyń habarlaýynsha, bul óńirlerde aýa temperatýrasy túnde -35, -38 gradýsqa deıin jetken.

Pavlodar jáne Qaraǵandy oblystarynda jáne Qostanaıda 1-11 synyp oqýshylaryna sabaq toqtatyldy.

Qazaqstannyń soltústigi men shyǵysyndaǵy oblystarda aıazdyń kúsheıýinen 22 qańtardan beri mektepterde sabaq toqtatylyp jatyr.

"Qazgıdromet" 22-26 qańtar arasynda Qazaqstannyń birneshe oblysynda kúndiz -30-35, túnde -40-45 gradýsqa deıin aıaz bolatynyn eskertken.