– «Baqytjan Saǵyntaev Úkimeti otstavkaǵa ketýi múmkin» degen qaýeset búgin Sol jaǵalaýda gýlep ketti. Premerlikke kandıdat retinde Kárim Másimovtiń, Asqar Mamınniń jáne Áset Isekeshevtiń aty atalady.

Otstavka bolýy múmkin. Baqytjan Saǵyntaevtyń kabıneti bir jyldan asa ýaqyt jumys istedi. Budan erte ketse, ábesteý bolar edi. Al Kárim Másimovtiń premer oryntaǵyna oralýdan tájirıbesi mol jáne halyq onysyn birqalypty qabyldaǵan. Kárim Qajymqanuly – daǵdarysqa qarsy premer atanǵan adam. Onyń burynnan jınaǵan, arnaıy qyzmetti basqarǵanda arta túsken saıası salmaǵy jańa baǵytty júzege asyrýda, ásirese, bankırlerdiń tábetin qaıtarýda kádege jaraıtyn edi. Biraq bul Kárim Másimovtiń ózine kerek pe?

Birinshi vıse-premer Asqar Mamınniń premer-mınıstr atanýyna bir-aq qadam qaldy. Alaıda mundaı oraıly sát Ómirzaq Shókeevte de talaı bolǵan. Kadrlyq aýys-túıis saıyn onyń úkimetti basqarý yqtımaldyǵy azaıyp bara jatqandaı. Sondyqtan taǵdyr keıde tálkekke salýy múmkin.

Áset Isekeshev te premer-mınıstrdiń orynbasary bolǵan. Kezinde eldegi eń iri holdıń sanalatyn «Samuryq Qazyna» ulttyq ál-aýqat qorynyń» basshylyǵyna qarastyrylǵan. Áıtse de ol Astananyń aldaǵy 20 jyldyǵyna baılanysty osy ornynda qala beretin shyǵar. Qansha degenmen, «attardy ótkelde aıyrbastamaıdy». Biraq másele onda emes, Esimovtiń kandıdatýrasynda bolsa, Isekeshevtiń premerligi týraly sybystar, tipti, 20 jyldyq qarsańynda da shyndyqqa aınalýy múmkin.

Qalaı desek te, 6 aqpanǵa deıin eshteńe ózgere qoımas. Iaǵnı otstavka bolǵan jaǵdaıda mınıstrlerdiń kóbi óz oryntaǵyn saqtap qalady degen sóz. Eldiń bir óńirin basqarýy múmkin delinetin Jeńis Qasymbekten ózgesi. Árıne, odan basqalary da aýys-túıiske daıyn bolýy kerek, – dedi saıasattanýshy Talǵat Qalıev óziniń Telegram kanalynda.