Uly Jeńistiń 70 jyldyǵyn merekeleý qarsańynda «Nur Otan» partıasy Kaharman.KZ saıtyn iske qosady. Bul týraly búgin, 29 qańtarda Uly Otan soǵysy Jeńisiniń 70 jyldyǵyn merekeleý máselesi boıynsha ótken selektorlyq keńeste «Nur Otan» partıasy Tóraǵasynyń birinshi orynbasary Baýyrjan Baıbek málimdedi. Kaharman.KZ saıtyn iske qosý arqyly «Nur Otan» partıasy ata-babalarymyzdyń uly erligin dáriptep, jastardy patrıottyq tárbıege baýlyp, qoǵamdaǵy beıbitshilikti, turaqtylyq pen kelisimdi odan ári nyǵaıtýdy kózdep otyr. «Búgingi kúni Reseıde osyndaı 36 saıt jumys isteıdi. Biz de biregeı muraǵattyq qujattardyń kóshirmeleri, qazaqstandyq batyrlar týraly aqparattar, soǵys jyldarynyń jylnamasy, fotogalereıa, ardagerler týraly maqalalar jarıalanyp turatyn resýrs ashqandy jón kórdik», dedi Baýyrjan Baıbek. Sonymen birge Kaharman.KZ saıtynda «Maıdan daýysy» aıdaryn ashyp, onda soǵys jyldaryndaǵy ánderdi, radıohabarlardy ornalastyrý josparlanýda. Birqatar mınıstrlikter men mekemelerdiń ókilderi, úkimettik emes uıymdar, QR Parlamentiniń depýtattary, sondaı-aq, óńirlerdegi partıa fılıaldarynyń basshylarynyń qatysýymen ótken keńeste «Nur Otan» partıasynyń mereıtoılyq jyl aıasynda josparlanǵan is-sharalary habarlandy.

Qambar Ahmetov