Ońtústik Koreıa soty eldiń burynǵy prezıdentiniń qurbysy Chhve Sýn Sıldi 20 jylǵa bas bostandyǵynan aıyrý týraly sheshim shyǵardy. Ol para aldy, eldiń saıası isine aralasty dep aıyptalǵan dep habarlaıdy Qamshy.kz aqparat agenttigi. Sonymen qatar, Chhve Sýn Sıl 18 mlrd von aıyppul tóleıdi (16,6 mln dollar shamasynda).

Chhve Sýn Sıl birneshe jyl eks-prezıdent Pak Kyn Heniń keńesshisi bolǵan.

Pak Kyn He men Chhve Sýn Sıl aınalasyndaǵy daý jýrnalısiń qonaq úı qoqys jáshiginen qupıa qujaty bar planshetti taýyp alǵannan keıin bastaldy. Onda Ońtústik Koreıa prezıdentiniń jıyndarda aıtatyn sózderi jazylǵan.

Pak Kyn He prezıdent qyzmetin atqarǵanda jıynda aıtatyn sózderin daıyndaý barsynda jaqyn qurbysymen keńeskenin, osylaısha oǵan eldiń qupıa qujattaryn kórsetkenin moıyndady. Bul Ońtústik Koreıa konstıtýsıasyn buzý bolyp sanalady.

Chhve Sýn Sılge 2016 jyly qarashada óz qyzmetin asyra paıdalaný aıyby taǵyldy.