Belgili jýrnalıs Ádilbek Qaba Parlament Senaty Baspasóz qyzmetiniń jetekshisi bolyp  taǵaıyndaldy, dep habarlaıdy Qamshy.kz aqparat agenttigi. 

Ádilbek Qaba – júzdegen ǵylymı, pýblısısıkalyq maqalanyń avtory, aty máshhúr jýrnalıs qana emes, birneshe kitabymen oqyrmanyn qýantqan qalamger.

Ol «Araı-Zará» jýrnalynda tilshi, «Lenınshil jas» («Jas Alash») basylymnyń jaýapty hatshysy  – bas redaktordyń orynbasary, «Aıqyn» gazeti bas redaktorynyń birinshi orynbasary, «Til jáne qoǵam» jýrnalynyń bas redaktory, QR Bas prokýratýrasy apparatynda Basqarma bastyǵy – Baspasóz qyzmetiniń jetekshisi qyzmetterin atqarǵan.

2012 jyldan bastap Ádilbek Qaba QR Parlamenti Senaty Apparatynda Baspasóz bólimi bastyǵynyń orynbasary bolyp jumys istedi. Ózin munda da isine myǵym, tabandy, bilikti maman, qarymdy qalamger retinde tanytyp, Prezıdenttiń Jarlyǵymen «Táýelsizdikke 20 jyl» memlekettik nagradasymen jáne QR Parlamenti Senaty Tóraǵasynyń alǵys hatymen marapattaldy.

Áriptesimizge jańa qyzmetinde taýdaı tabys tileımiz. Ámse sáttilik joldas bolsyn!