Almas Batanov 1977 jyly Almaty qalasynda dúnıege kelgen. 2000 jyly Qazaq memlekettik agrarlyq ýnıversıtetin «AÓK-tegi aqparattaý júıesi» mamandyǵy boıynsha támamdaǵan. 2004 jyly — Almaty tehnologıalar jáne bıznes ýnıversıtetin «Standarttaý jáne sertıfıkattaý» mamandyǵy boıynsha aıaqtaǵan. 2010 jyly «Bolashaq» baǵdarlamasy boıynsha Nottıngem ýnıversıtetinde (Ulybrıtanıa) oqyp, aqparattyq tehnologıalar menedjmenti magıstri dárejesin alǵan.

Eńbek jolyn «Metrologıa» RMK Almaty bólimshesiniń jetekshi mamany retinde bastaǵan. 2000–2009 jyldary Qazaqstan metrologıa ınstıtýtynda ártúrli laýazymdarda jumys istegen.

2011–2013 jyldary — Ekonomıkalyq zertteýler ınstıtýtynyń bas sarapshysy; QR Prezıdenti Ákimshiliginiń Strategıalyq zertteýler jáne taldaý ortalyǵynyń referenti, sarapshysy, keńes berýshisi.

2013 jyldan bastap 2014 jylǵa deıin QR Óńirlik damý mınıstrliginiń Óńirlik monıtorıń jáne baǵalaý departamentiniń dırektory bolyp qyzmet atqarǵan. 2014–2016 jyldary — QR Premer-Mınıstriniń birinshi orynbasarynyń keńesshisi bolyp jumys istegen.

2016 jyly Qazaqstan Respýblıkasy Ulttyq ekonomıka mınıstrliginiń Statısıka komıteti tóraǵasynyń orynbasary qyzmetin atqarǵan.

2016 jylǵy jeltoqsan aıynan bastap qazirgi tańǵa deıin QR Premer-Mınıstriniń Keńsesi basshysynyń orynbasary bolyp qyzmet atqarǵan.