Mozambık astanasy Mapýtada jaýyn-shashynnyń saldarynan turǵyn úıdi 15 metrli qoqys úıindisi basyp qalǵan. Sonyń nátıjesinde 17 adam mert boldy.
Qaıǵyly oqıǵa 19 aqpanda qalanyń eń kedeı aýdanynda túnde bolǵan. Qoqystyń astynda qalǵan úı bılik tarapynan zańsyz salynǵan ǵımarat dep tanylǵan. Sondyqtan keıbir turǵyndar bıliktiń nusqaýymen kóship ketken.
Ázirshe 17 adam kóz jumǵany belgili. Mert bolǵandar men jaraqattanǵandardyń sany artýy múmkin. Qazir qutqarýshylar izdestirý jumystaryn júrgizip jatyr.
