Qaraǵandyda balalar kıimderinen ýly zat tabyldy. Kúrteler, jeıdeler men beldemsheler, tipti, jańa týǵan nárestelerge arnalǵan ıt kóılekterden de qaýipti gaz – formaldegıd anyqtalǵan. Bul týraly oblystyq qoǵamdyq densaýlyq saqtaý departamentiniń ókilderi málimdedi, dep habarlaıdy Qamshy.kz aqparat agenttigi astanatv.kz. 

«Bul kıimderdiń barlyǵy Qyrǵyzstannan ákelingen. Kásipkerler olardy Almaty, Bishkek qalalarynyń bazarlarynan tasıdy. Olardyń quramynda formaldegıdtiń mólsheri óte joǵary. Bul balalarymyzdyń densaýlyǵyna úlken qaýip tóndiredi. Adamnyń denesine birtindep sińip, aýyr dertterge shaldyqtyrady», — deıdi Qaraǵandy oblystyq qoǵamdyq densaýlyq saqtaý departamenti basshysynyń orynbasary Iýrıı Zalygın. 

Sanıtarlardyń aıtýynsha, ýly zat tynys alý joldary men júıke júıesin zaqymdaıdy. Kóz, teri aýrýlaryna shaldyqtyrady. Sondyqtan mamandar ata-analarǵa ıisi ótkir kıimderdi satyp almaýǵa keńes beredi. Óıtkeni qyrǵyzstandyq kıim saýdasyna tosqaýyl qoıý múmkin bolmaı otyr. 

2017 jyly tekserýler nátıjesinde 40-qa jýyq kásipkerge eskertý jasalyp, 2 mıllıon teńgeden astam aıyppul salynǵan. Alaıda, jospardan tys tekserýge ilikpegen saýda núkteleri jeterlik. Mamandar saýdagerler kıimder týraly aqparattarǵa, óndirilgen orny men mata quramyna mán bermeıtinin aıtady. Kópshiliginde sapa sertıfıkaty da joq bolyp shyqqan.