Ulttyq bank shetel valútasymen ıpotekalyq nesıe alǵan azamattarǵa qoldaý kórsetedi. Bul týraly elimizdiń QR Ulttyq bank tóraǵasy Almatyda ótken jıynda málimdedi dep habarlaıdy Qamshy.kz aqparat agenttigi 24.kz-ke silteme berip.
Danıar Aqyshev «qazir Elbasynyń joldaýyn iske asyrý maqsatynda 2015 jyly qabyldanǵan «Ipotekalyq nesıelerdi qaıta qarjylandyrý» baǵdarlamasyn keńeıtý boıynsha jumys istep jatyrmyz», – dedi. Ol úshin elimizdiń basty qarjylyq ınstıtýty qurylys kompanıalarynyń jáne komersıalyq bankterdiń basshylyǵymen kezdesý ótkizip, 2016 jyldyń birinshi qańtaryna deıin shetel valútasymen ıpotekaǵa baspana alǵan otbasylarǵa kómek kórsetý máselesin talqylaǵan. Statısıkalyq derekterge júginsek, búginde bankterge ózderiniń ıpotekalyq nesıelerin qaıta qarjylandyrý týraly jalpy quny 220 mıllıard teńge bolatyn 30 myńǵa jýyq ótinish kelip túsipti.
- Eshqandaı qıyndyq joq. Jýyq arada qajetti barlyq túzetýlerdi engizemiz. Biz osy suraqqa qatysty Memleket basshysynyń tapsyrmasyn tez oryndaýdy josparlap otyrmyz. Shetel valútasymen ıpotekalyq nesıe alǵan azamattardyń máselesi bıyl túbegeıli sheshimin tabatyn bolady,- deıdi Danıar Aqyshev.
