Almaty áýejaıynyń mańynda «SCAT» áýe kompanıasynyń ushaǵy apatqa ushyraýyna baılanysty qylmystyq is qozǵaldy - Bas prokýratýra. 2013 jylǵy 29 qańtarda saǵat 13 shamasynda Almaty qalasynyń áýejaıyna shamamen 5 shaqyrym jetpeı «Kókshetaý-Almaty» baǵytynda «SCAT» áýekompanıasy» AQ-nyń №760 avıareısin oryndaýshy «Challenger-200» ushaǵy apatqa ushyrady, dep habarlady QR Bas prokýratýrasynyń baspasóz qyzmeti. Aldyn-ala málimetterge saı áýe kemesiniń bortynda 5 ekıpaj múshesi jáne 15 jolaýshy bolǵan. Bul derek boıynsha Bas kólik prokýratýrasy QR QK 295-babynyń 3-bóligi boıynsha qylmystyq is qozǵap, óziniń óndirisine qabyldady. Jedel tergeý jáne apattyq-qutqarý sharalaryn júrgizý úshin oqıǵa ornyna Bas kólik prokýratýrasynyń jáne İshki ister mınıstrliginiń ókilderi, sondaı-aq Tótenshe jaǵdaılar mınıstrliginiń bólimsheleri shyqty. Oqıǵa orny oqshaýlandy. Oqıǵa mán-jaılary, sondaı-aq qurban bolǵandar men zardap shekkender týraly málimetter naqtylanýda. «QazAqparat»