Tólebı aýdany, Zertas aýylyndaǵy eski zıratta jerlengen máıitterdiń qabiri ashylyp, súıekteri jartasta shashylyp jatyr. Mańyndaǵy bulaq pen ózen sýyna aǵyp ketkenderi de bar, dep jazady Otyrar.kz. Al sýdy paıdalanatyn Toǵys, Eltaı, Qaratas, Saıram eldi mekenderiniń halqyna qaýip tónip tur. Dál osylaı dabyl qaqqan aýyl belsendisi bılikten arasha suraıdy.

Maıatas aýlynyń turǵyny Túımebaı Bazarov byltyr qazanda qaza bolǵan 65 jastaǵy qudashasyn osy Zertas aýylyndaǵy zıratqa jerlegenin aıtqan.  Qudashasynyń máıitin urpaqtary ýaqyt óte tappaı qala ma degen qorqynyshyn da jetkizgen.

Eski zırattyń bir bóligin sý shaıǵan. Jartastaǵy tómpeshikterdegi qabirler ashylyp, súıekteri shashylǵan. Belsendi azamat bul sýdy el paıdalanyp otyr dep te dabyl qaǵady. Jan aıqaıymdy bıliktegiler estise deıdi.

 Zertas aýylynyń turǵyny Razıa Pernebaeva byltyr qoralastar jıynda dál osy másele kóterilgenin aıtady. Qoralas rýynyń bıi zırat aýmaǵyn saqtap qalý maqsatynda sýdyń boıyna aǵashtar egipti.

Zertas aýyly ákimdigindegiler zırattaǵy jaǵdaıdan habardar. Qandaı da bir jumys atqarýǵa aýdandaǵy basshylardyń qarjy bólgenin kútip otyr. Al aýyldyqtar tez arada shara kórilmese, zıratty sý shaıyp ketetinine senimdi.