Aýyl kelininiń jazbasy kópshiliktiń nazaryn aýdardy dep jazady Qamshy.kz aqparat agenttigi. 

«Ia bul meniń qoldarym. Ia, bilemin, súırikteı emes shyǵar bálkim… Qolǵap kıip, aıap jumys isteıtindeı,názik te áppaq emes. Qoıshy, seniń qolyń emes, erkektiń jýan qoly deıtin de shyǵarsyzdar. Qaladan kelgen qaınylarymmen amandasyp, qolyn qysqanda uıalyp ketemin. Tipten kúıeýimniń de qoly menikinen názik-aý. Osy qoldarymmen úıimniń jumysyn, enemniń qabaǵyn, kúıeýimniń babyn jasap aq júrmin.

Balalarym úshin mamyq jastyqtaı bolsa, tilimdi qysqartyp, qolymdy uzartyp, aıanbaı adal qyzmetimdi atqaramyn. Qoldarym qalt etse ómirden túıgen áńgimelerdi jazyp, qarapaıym ómirimniń bir bóligin jazyp,sizdermen bólisip, alǵystaryńyzǵa bólenip júrmin, Allaǵa shúkir. Kún sanap qosylyp jatqan oqyrmandarym osynaý shynaıylyǵymnyń arqasy bolar?! «Mynaý kim ózi?», — deıtin oqyrmandarǵa aıtarym: men jaı ǵana qarapaıym kelinshekpin. Ómirdi súrip,kópti kórip qoımasam da óz túıgenimdi jazǵandy unatam. Keremetteı sulý emes shyǵarmyn, meniń barym osy. Osylaı jaratqan Qudaıǵa myń da bir shúkir. Ádemi bolmasa da siz ben bizdi jalǵap otyrǵan ınstagram men qaıystaı qara qoldarym aman bolsyn», — dep jazdy Qapaldyń kelini atanǵan Aıdana esimdi kelinshek.