Senattyń jańa qaýlysyna sáıkes, toıǵa keminde 150 adam, tańǵy palaýǵa 200 adamnan artyq shaqyrýǵa ruqsat etilmeıdi.

Ózbekstan prezıdenti Shavkat Mırzıaevtiń 2 naýryzda Navoı oblysyna barǵan sapary kezinde «Ozodlık» qyzmetine prezıdenttiń aýdıojazbasy kelip tústi. Onda memleket basshysy senat memlekettik sheneýnikterge toıǵa barýǵa tyıym salatyn qaýly shyǵarady degen. Bul týraly Abai.kz habarlaıdy.

Mırzıaev bul sózderin Tashkentte 27 aqpanda ımport jáne eksportqa arnalǵan úkimettiń vıdeoselektorlyq jınalasynda aıtqan sekildi.

Onda Mırzıaev «memlekettik sheneýnikterge adal jumys isteý úshin barlyq jaǵdaı jasaǵanyn, endi olardyń halyqqa jumys isteý úshin qatań talap etetinin» aıtady.

«Erteń qaýly jaryq kóredi. Mınıstrlerge, hokım jáne atqarýshy bılik ókilderine saltanatty sharalarǵa barýǵa tyıym salynady. Eger shaıhanalardan memlekettik nómiri bar kólikterdi kóretin bolsam, onyń ıesin birden jumystan shyǵaramyn», – deıdi Shavkat Mırzıaev.

 Ózbek prezıdentiniń sózderinshe, eldegi korrýpsıany joıý úshin dańǵaza úılený toı ótkizip, memlekettik sheneýnikterdi saltanatty sharalarǵa qatysýǵa tyıym salýyna týra kelgen.

 «Birde bir sheneýnik, meni de qosqanda týǵan kúnge, úılený toılaryna barmaıdy. Munyń bári halyqtyń ashýyn týǵyzady. Saltanatty sharalar endi joǵary laýazymdy sheneýnikterdiń qatysýynsyz ótedi. Premer-mınıstr orynbasarlarymen toıǵa barady. Oǵan jınalǵan halyq tik turyp qyzmet etedi. Toıǵa shashqan aqshaǵa kedeılerge kómek kórsetińder, televızor satyp áperińder», – deıdi Ózbekstan prezıdenti.

Mırzıaevtiń sózderinshe, senattyń jańa qaýlysyna sáıkes, toıǵa keminde 150 adam, tańǵy palaýǵa 200 adamnan artyq shaqyrýǵa ruqsat etilmeıdi.