Búgin Kýbada Halyqtyq úkimettiń Ulttyq assambeıasyna (bir palataly) saılaý ótedi, dep jazady Qamshy.kz aqparat agenttigi. Al sáýirde parlament depýtattary jańa shaqyrylymǵa jınalyp, óz qatarynan  86 jastaǵy memleket basshysy Raýl Kastronyń muragerin saılaıdy.

Raýl Kastro 2008 jyldan beri Memkeńestiń jáne Kýba mınıstrler Keńesiniń tóraǵasy laýazymyn atqaryp keledi.

Ol bul qyzmette óziniń aǵasy Kýba revolúsıasynyń kóshbasshysy Fıdel Kastronyń (1926-2016) ornyn almastyrdy. Raýl Kastronyń ornyna Memkeńestiń jáne Mınıstrler keńesi tóraǵasynyń birinshi orynbasary Mıgel Dıas-Kanel birden bir murager  sanalyp otyr. Kýba halqy jeksenbide Ulttyq assambleıanyń 605 depýtatyn, sondaı-aq  halyqtyq úkimettiń 1,2 myń provınsıaldyq assambleıa delegattaryn saılaıdy.

Konstıtýsıaǵa sáıkes, parlament jáne 15 provınsıanyń ózin-ózi basqarý organdary bes jylda bir ret jańartylyp otyrady. Saılaý ýchaskeleri jergilikti ýaqytpen 07:00-de ashylady. Daýys berý dúısenbide18:00-de aıaqtalady.