Qamshy.kz aqparat agenttiginiń poshtasyna bir top jazýshylardan QR Mádenıet jáne sport mınıstri Arystanbek Muhamedıulyna jazylǵan hat kelip tústi. Hatty nazarlaryńyzǵa usynamyz.
QR Mádenıet jáne sport mınıstri
A. Muhamedıulyna
Qurmetti Arystanbek Muhamedıuy!
Siz basqaratyn mınıstrlik Qazaqstan Jazýshylar odaǵynyń kezekti quryltaıyn ótkizýdi uıymdastyryp jatqanyn bilemiz. Ol úshin sizge kóp rahmet. Alaıda, bizdiń estýimizshe Quryltaı taǵy da burynǵy tóraǵa Nurlan Orazalınniń 22 jyldan beri qoldanyp kele jatqan ózine yńǵaıly senarı boıynsha ótkeli jatqany belgili bolyp otyr. Biz buǵan úzildi-kesildi qarsymyz. Sondyqtan sezge mynadaı óz talaptarymyzdy qoıyp otyrmyz:
- Qazaqstan Jazýshylar odaǵy tóraǵasynyń jattandy, baıaǵydan kele jatqan taptaýryn esebi jaqynda ótken plenýmda tyńdalyp, tıisti baǵasyn alǵan. Sondyqtan, oǵan taǵy da ýaqyt bólýdiń esh qajeti joq.
- Sezd barysynda basqarmanyń jańa quramy saılanýy tıis.
3.Balama negizde Qazaqstan Jazýshylar odaǵy basqarmasynyń tóraǵalyǵyna óz kandıdatýrasyn usynatyndar delegattardy óz baǵdarlamasymen tanystyrýyn talap etemiz.
Qurmetti Arystanbek Muhamedıuly!
Osy atalǵan talaptar sezdiń kún tártibine engizilýin qadaǵalaýyńyzdy suraımyz.
Bir top jazýshylar
Pikir qaldyrý