Qurmetti áriptester! Odaǵymyzda 22 jyldan astam ýaqyt ótkende úlken ózgeris bolǵaly jatqanynan habardarsyzdar. Ótken plenýmda odaqtyń burynǵy tóraǵasy Nurlan Orazalın óziniń saılaýǵa túspeıtinin málimdegen edi. Ol bul málimdemeni óz erkimen jasamaǵanyn kópshilik bilip otyr. Búgingi kúni Nurlan myrza tóraǵalyqtan óziniń úmiti úzilgenine ábden kózi jetkennen keıin qaıtkende de odaq tóraǵalyǵyna, eń bolmasa onyń birinshi orynbasarlyǵyna óziniń senimdi adamyn engizýge jantalasa kirisip jatqanyn kózimiz kórip otyr.  Sonymen birge Quryltaı kezinde ózin maqtap ári jaqtaıtyn, onyń usynǵan adamyn qoldaıtyn birneshe «aqsaqaldardyń» aty-jónin sóz sóıleıtinderdiń tizimine engizip qoıǵan sıaqty. Ol óziniń kópten bergi qoldaýshysy, ári jerlesi, kórkem ádebıetke qyldyryqtaı eńbek sińirmegen Janarbek Áshimjandy usynyp, onyń ótpeıtini belgili bolǵannan keıin taǵy bir qoldaýshysy ádebıettegi óte kómeskileý tulǵa Ótegen Oralbaevty tóraǵa, eń bolmaǵanda birinshi orynbasar etý úshin bar kúshin salýda. Al Ótegen Oralbaevtyń qazaq ádebıetine sińirgen eńbegi – Nurlan Orazalınniń shyǵarmashylyǵy týraly kandıdattyq dısertasıa bolatyn.

Qurmetti delegattar! Mynany esterińizge sala keteıik: Nurlan Orazalın baıaǵy úırenshikti tásiline basyp, ýaqytty sozý úshin ótken plenýmda jasaǵan esepti baıandamasyn taǵy da qaıtalap turyp almaqshy. Buǵan jol berýge bolmaıdy. Sonymen birge Ol osy Quryltaıda óziniń bir-eki jaqtastaryna sóz bergizip, ózin «Qurmetti tóraǵa» etip qaldyrýdy usyndyrmaqshy. Bul óreskeldikke de eshqandaı jol berýge bolmaıdy.

Qurmetti delegattar! Bul jolǵy Quryltaıymyzdy Nurlan Orazalın basqarǵan 22 jyldan bergi ádis boıynsha bas shulǵyp, maquldap, jappaı qol kóterip qoldaý arqyly emes jańasha bir belsendilikpen, osy jyldar ishinde jurtshylyq aldynda qadyr-qasıeti ketýge jaqyn qalǵan odaǵymyzdyń abyroıyn asqaqtatatyn azamattarymyzdy tóraǵalyqqa usynaıyq!

Bir top jazýshylar.