Qazaqstan Jazýshylar odaǵynyń quryltaıynda Qazaqstannyń halyq jazýshysy Qabdesh Jumadilov pen odaqtyń qazirgi tóraǵasy Nurlan Orazalın sózge kelip qaldy, dep jazady Qamshy.kz aqparat agenttigi. 

Quryltaıda sóz alǵan Qazaqstannyń halyq jazýshysy Qabdesh Jumadilov memlekettik syılyqtyń ıegeri Sábıt Dosanovty sózben túırep ótti. 

– Kezinde «ǵasyr haltýrshıgi» atanǵan Sábıt Dosanov Nazarbaevtyń saıasatynyń arqasynda sóz bastaıtyn serkege aınaldy, - dedi ol.

Qabdesh Jumadilov ózinen buryn Sábıt Dosanovqa sóz berilgenine shamdanǵan bolýy kerek. Sonymen qatar Nurlan Orazalındi de synady. 

– Osydan bes jyl burynǵy quryltaıda Nurlan Orazalın ornyn bosatatynyn aıtty. Biraq 22 jyl bosqa otyrmaǵan ǵoı, óziniń soıylyn soǵatyn jandaıshaptaryn daıyndap qoıǵan eken. Solardyń usynysymen qaıta saılanyp shyǵa keldi, dedi Jumadilov.

Qabdesh Jumadilov sóılep jatqanda Nurlan Orazalın «reglament» dep sózin toqtatýtyǵa tyrysty. Ekeýi sózge kelip qaldy.

– Aıqaılaı bermeńiz. Ótken joly úndemedim. Úndemegen saıyn basynýǵa bolmaıdy, joldas Jumadilov, - dedi Nurlan Orazalın.

Qabdesh Jumadilov Nurlan Orazalınge mansapty qoıyp, shyǵarmashylyqty qolǵa alýǵa keńes berdi.