Iandeks.Braýzer maınıng skrıptterin birden anyqtap, buǵattaýdy úırendi. Maınıng skrıptteri – saıttardyń ishine kirip alyp, qoldanýshylardyń esepteý resýrstaryn krıptovalúta óndirýge astyrtyn paıdalanýǵa múmkindik beretin mını-programmalar. Skrıpti bar saıttar syrttaı esh kúmán týǵyzbaıdy, biraq adam saıtty qarap jatqan kezde onyń kompúteri nemese smartfony maınıng esepteýlerine qoldanylyp ketedi. Sonyń saldarynan ortalyq prosesorǵa artyq júk túsedi: qurylǵynyń jumysy baıaýlap, energıany kóp shyǵyndaıdy jáne qyza bastaıdy.
«Braýzer arqyly maınıng jasaý qoldanýshy otyrǵan júıege óte jaǵymsyz áser etedi, - deıdi desktopqa arnalǵan Iandeks.Braýzer jetekshisi Roman Ivanov. – Maınerler ár prosesor ıadrosy qýatynyń júz paıyzyna deıin jaýlap ala alady. Onyń ústine, Iandeks.Braýzer mindettemeler dıspecherinde ortalyq prosesor qurylǵysyna túsetin aýyrlyq 100%-dan asyp ketýi múmkin, sebebi bul jaǵdaıda ár ıadro úshin kórsetkishter qosylǵan kúıde esepteledi».
Iandeks.Braýzer saıttardy qaraý kezinde prosesorǵa qanshalyqty júk túskenin taldaı alady. Saıtqa salmaqtyń kóp túskeni – oǵan maınıng skrıpti qosylýy múmkin degen dabyl. Eger tekserý barysynda skrıpt ornatylǵany anyqtalsa, Braýzer ony buǵattaıdy. Saıt jumys isteı beredi, biraq maınerler qoldanýshylardyń qurylǵysyn óz maqsatyna paıdalana almaıdy.
Iandeks.Braýzer qoldanýshylardy maınıngten qorǵaýdy 2017 jyldyń qarashasynda bastady. Ol kezde komanda maınerler qoldanatyn skrıptter tizimin jasady da, Braýzerdi olardy buǵattaýǵa «úıretti». Jańa skrıptter apta saıyn paıda bolyp jatady, sondyqtan tizimdi únemi tolyqtyryp otyrý qajet. Endi Braýzer bul jumysty qoldanýshynyń ortalyq prosesoryna túsken júkti taldaı otyryp, ózdiginen atqarady. Bul tásil jańadan paıda bolǵan skrıptterge meılinshe jyldam áreket etýge múmkindik beredi.
Maınıngke qarsy kúsheıtilgen qorǵanysty búginnen bastap Iandeks.Braýzerde barlyq platforma boıynsha: iOS pen Android bazasyndaǵy kompúterlerde de, mobıldi qurylǵylarda da qoldanýǵa bolady.
Iandeks.Braýzer 2012 jyly iske qosyldy. Braýzerge kiriktirilgen Protekt tehnologıasy qoldanýshylardy ınternette tap keletin barlyq qaýipten qorǵaıdy. Ol saıttar men faıldarda vırýstyń bar-joǵyn tekseredi, alaıaqtardyń paraqshasyn buǵattaıdy, parólder men bank kartasy málimetterin qorǵaıdy.
