Quqyqqorǵaýshy Sálim Óten Aqtóbe ákimdigi aldynda ózine qol salǵan Baıbek Qarymsaqovtyń ólimi týraly istiń mán-jaıyn aıtyp berdi, dep habarlaıdy Qamshy.kz aqparat agenttigi 31 arnanyń deregin negizge ala otyryp.

8 qańtarda saǵat 17.30–da 34 jastaǵy polısıa qyzmetkeri Baıbek Qarymsaqov Aqtóbe ákimdigi ǵımaratyn kúzetý barysynda óz-ózine qol saldy. Er adamnyń denesi jumys kúni aıaqtalǵan soń tabylǵan.

Quqyqqorǵaýshy Sálim Óten Aqtóbege arnaıy baryp, advokat jaldap, qaıǵyly oqıǵa bolǵan jerdi ózi tekserdi. Onyń kókeıinde oqtyń ushý traektorıasyna qatysty suraqtar týyndaǵan. Aıta ketý kerek, oqıǵa ornynda oq tabylmaǵan bolatyn. Sálim Ótenniń aıtýynsha, polıseıdi abaısyzda atyp alǵan bolýy da múmkin. 

«Qannyń izi joq. Denesi ústelde jatty degen bolatyn. Biraq ústel joq. Edende de qan izi bolýy tıis edi. Eger oq tesip shyqsa, qan shashyraıdy ǵoı», — deıdi Sálim Óten.

Budan buryn marqumnyń áıeli kúıeýiniń sýısıd jasaǵanyna senbeıtinin aıtqan bolatyn. Onyń oıynsha, kúıeýin ózin-ózi óltirýge bireý jetkizgen nemese atyp ketken.