Elbasy Tájikstan prezıdenti Emomalı Rahmonǵa «Parasat» ordenin tabystady dep habarlaıdy Qamshy.kz aqparat agenttigi. 

Búgin memleket basshysy Nursultan Nazarbaevtyń shaqyrýymen elimizge Tájikstan prezıdenti Emomalı Rahmon resmı saparmen kelgen bolatyn. 

Búgingi resmı kezdesý kezinde Elbasy men Tájikstan prezıdenti birqatar máselelerdi talqylady. 

Esterińizge sala ketsek, 15 naýryzda Nursultan Nazarbaev pen Emomalı Rahmon Ortalyq Azıa elderi basshylarynyń Astanada ótetin jıynyna qatysady.

E.Rahmon Nursultan Nazarbaevqa Qazaqstanǵa shaqyrǵany úshin jáne joǵary marapat tabys etkeni úshin alǵys bildirdi.

– Qazaqstanǵa kelgen ár saparymda Astananyń kelbeti jyldam ózgerip kele jatqanyn baıqaımyn. Bul jetistik, eń aldymen, Sizdiń dana ári kóregen saıasatyńyzdyń jemisi bolyp sanalady, – dedi Tájikstan Respýblıkasynyń prezıdenti.

E.Rahmon eki el arasyndaǵy saýda-ekonomıkalyq qarym-qatynastyń qarqyndy damyp kele jatqanyna toqtalyp, ony ári qaraı ilgerilete túsýge nıetti ekenin atap ótti.

– Taýar aınalymynyń kólemi jóninen Qazaqstan Tájikstannyń jetekshi ekonomıkalyq áriptesteri arasynda ekinshi orynǵa ıe. Biz elderimizdiń keshendi ári strategıalyq qarym-qatynastaryn nyǵaıtýǵa nıettimiz, – dedi Tájikstan Respýblıkasynyń prezıdenti.