Eks-mınıstr Qýandyq Bıshimbaevtyń jary Nazym Bıshimbaeva kúıeýine qatysty shyǵarylǵan sot úkimin apelásıaǵa bermek. Bul jaıynda ratel.kz jazady.

— Men sot sheshimine tańqaldym . Biz úkimmen  kelispeımiz. Men jáne meniń kúıeýim sot barlyq jaǵdaıdy eskermedi dep sanaımyz. Biz kelispeımiz. Biz shaǵym beremiz. (...) Nurlybek te, ol da jazaǵa laıyq emes. Biz aqtalyp shyǵýǵa úmittenemiz. Bul ne sumdyq? Ol istemegen isi úshin sottalyp jatyr, - dedi sot otyrysynan keıin 14 naýryzda  jýrnalıserge Nazym Bıshimbaeva.

Aıta ketsek, Astana soty burynǵy ulttyq ekonomıka mınıstri, sybaılas jemqorlyq aıyby taǵylǵan Qýandyq Bıshimbaevti 10 jylǵa sottady. 

Sýdıa Qýandyq Bıshimbaevti Qylmystyq kodekstiń 28-babynyń 3-bólimi ("Qylmystyq quqyq buzýshylyq jasaýdy uıymdastyrǵan nemese onyń oryndalýyna basshylyq etý, sol sıaqty qylmystyq topty qurý ne oǵan basshylyq etý"), 189-baby 4-bóliminiń 2-tarmaǵy ("Top bolyp nemese astyrtyn sóz baılasyp, senip tapsyrylǵan bóten múlikti ıemdenip alý nemese talan-tarajǵa salýdy uıymdastyrý") boıynsha aıypty dep tanydy. Sot sonymen qatar Bıshimbaevti memlekettik basshylyq qyzmetti atqarý quqyǵynan ómirbaqıǵa aıyryp, qylmystyq jolmen alynǵan múlkin tárkileýge úkim kesti. Sot buǵan qosa prezıdenttiń atyna eks-mınıstrdi memlekettik "Qurmet" ordenin qaıtaryp alý týraly usynys jasaýǵa uıǵardy.