Osydan biraz ýaqyt buryn almatylyq Abzal Moldabek  óziniń Almaty oblysy, Talǵar aýdany, Nura aýdanyndaǵy 8 sotyq jerin qazaq azamatyna tegin beretinin aıtqan edi. Bul týraly ol óziniń feısbýk paraqshasyna jarıalady. Atalǵan 8 sotyq jerdi alǵysy kelgen azamat bıyl jazda úıdiń irgetasyn qalaýǵa shamasy jetýi kerek bolatyn.  Búgin Abzal Moldabek 8 sottyq tegin jerdi kimge bergenin óziniń áleýmettik paraqshasyna jazdy.

«8 sotyq jerimdi Erjan degen aǵaǵa tabystadym. Bul kisini tańdaǵan sebebim kóp. Aıgúl jeńgemizben otasqan soń, jeńgemizdiń anasy , keıin ákesi qaıtys bolǵan. Otbasynda 10 qyz jetim qalǵan. Erjan aǵa sol 10 qyzǵa osy ýaqytqa deıin áke ornyna áke bolyp, oqýǵa túsirip, tárbıelep, 5 qyzdy uzatqan. Qazir 5 qyzdy oqytyp otyr. Óziniń 4 balasy bar. Búgin jumys kúni bolǵandyqtan jeńgemiz, oqýdaǵy qyzdary men balalarynyń birazy kele almady. Bul kisige qatty rıza boldym, qazir bir áıelin baǵa almaıtyndar bar, al bul kisi 10 jetim balany qamqorlyǵyna alyp, óziniń balalaryndaı qarap júr. Páter jaldap turyp ábden qajyǵan, aqshasy jınalmaıdy. Qaı jerde bolmasyn osyndaı otbasyǵa páter jaldaý ońaı emes ekenin bilesizder ǵoı. Keshe jerdi aparyp kórsettim, unatty. Jerimdi sizge beremin degen soń qýanyshtan túnimen uıyqtamaǵanyn aıtty aǵamyz», — dep jazdy Abzal Moldabek.