48 jastaǵy Amantaı Úsenov Aqtóbede 11 jastaǵy balany qaǵyp ketti dep habarlaıdy Qamshy.kz aqparat agenttigi diapazon.kz-ke silteme jasap. Oqıǵa saǵat 12.55-te, 2018 jyly 31 qańtarda boldy.

Júrgizýshi Bersıev pen Nekrasov kósheleriniń qıylysynda jaıaý júrginshiler jolynda balany qaǵyp ketken. Birneshe saǵattan keıin bala kóz jumdy.

ZıL aýyr júk kóliginiń júrgizýshisi sotta óz kinásin moıyndady. Ol ýaqytta Zarechnyı aýylyna saǵatyna 30 shaqyrym jyldamdyqpen júrgenin aıtty. "Avtoservıs"  aıaldamasyna jetkende jyldamdyqty túsirgen, jaıaý júrginshilerge arnalǵan jolǵa úsh metr qalǵanda balany baıqaǵan. 11 jastaǵy bala jan jaǵyna qaramaı, joldan júgirip ótkenin aıtady. Júrgizýshiniń aıtýynsha, ol eshqandaı áreket etip úlgermegen.  

Kólikten túsip, zardap shekken balaǵa júgirip barǵan. Ol jolda estússiz jatqan. Jedel járdemdi kútpeı, bala jeńil kólikpen aýrýhanaǵa jetkizildi.

Sot júrgizýshini kináli dep taýyp 2 jylǵa shartty túrde sottady jáne kólik júrgizýge tyıym saldy.