Ortalyq saılaý komısıasy múgedekterdiń saılaý quqyqtaryn júzege asyrý máseleleri boıynsha dóńgelek ústel ótkizdi, dep jazady Qamshy.kz aqparat agenttigi.

2018 jylǵy 15 naýryzda Qazaqstan Respýblıkasy Ortalyq saılaý komısıasy EQYU Astanadaǵy baǵdarlamalar ofısimen birge  «Qazaqstan Respýblıkasyndaǵy múmkindikteri shekteýli azamattardyń saılaý quqyǵyn júzege asyrý máseleleri: qazaqstandyq jáne halyqaralyq tájirıbe» atty dóńgelek ústel ótkizdi.

Dóńgelek ústeldi ótkizýdiń basty maqsaty saılaý jáne referendým kezinde Qazaqstan Respýblıkasyndaǵy múgedek sanatyndaǵy azamattardyń saılaý quqyqtarynyń júzege asyrylýyn qamtamasyz etý máselelerin, sondaı-aq saılaý quqyqtaryn júzege asyrýdyń jańa múmkindikteri men tájirıbelerin qarastyrý bolyp tabylady.

Qazaqstan Respýblıkasy Ortalyq saılaý komısıasynyń tóraǵasy B. Imashev Qazaqstan Respýblıkasy Kosntıtýsıasy boıynsha árbir azamatqa saılaý jáne saılaný quqyǵyna kepildik beriletinin atap ótti. Saılaý organdary múmkindigi shekteýli azamattardyń saılaý prosesterine tolyqqandy qatysýlaryn qamtamasyz etýi tıis.

Sonymen qatar, B.Imashev Ortalyq saılaý komısıasymen múmkindikteri shekteýli azamattardyń quqytarynyń saqtalý standartyna sáıkes saılaý quqyqtaryn júzege asyrýy úshin arnaıy jaǵdaılar jasaý maqsatymen qyzǵýshylyq tanytqan memlekettik jáne memlekettik emes uıymdarǵa metodıkalyq, úılestirýshi kómek kórsetýge is-sharalar jıyntyǵynyń júzege asyrylatynyn aıtty.

Sondaı-aq is-sharada EQYU Astanadaǵy baǵdarlamalar ofısi basshysy D. Sabo, QR Ortsaılaýkom múshesi L.Súleımen, QR eńbek jáne halyqty áleýmettik qorǵaý vıse-mınıstri S.Jaqypova, QR Parlamenti Májilisiniń depýtaty, «Qazaqstan múgedekter konfederasıasy» RQB prezıdenti J.Omarbekova. EQYU/DIAQB-nyń saılaý máseleleri boıynsha sarapshysy P.Kabachenko, «Múgedek áıelderdiń «Shyraq» assosıasıasy» QB-niń tóraıymy L.Qaltaeva sóz sóıledi.

Dóńgelek ústel barysynda múgedekterdiń saılaý quqyqtaryn júzege asyrýdaǵy jańa múmkindikteri, onyń ishinde saılaý ýchaskelerin jáne ǵımarattaryn jabdyqtaý kezinde múmkindikteri shekteýli azamattardyń quqyqtary saqtalýy boıynsha standarttarǵa sáıkes kedergisiz jaǵdaıdyń jasalý sharalary talqylandy. 

Sondaı-aq, dóńgelek ústel jumysyna QR OSK músheleri, QR Parlamenti Májilisiniń depýtattary, eńbek jáne halyqty áleýmettik qorǵaý, ádilet mınıstrliginiń, ortalyq jáne jergilikti atqarýshy organdardyń, oblystyq, Astana jáne Almaty qalalarynyń aýmaqtyq saılaý komısssıalarynyń, QR Adam quqyqtary jónindegi ulttyq ortalyqtyń, halyqaralyq uıymdardyń, QR-daǵy dıplomatıalyq mısıalardyń, múgedekter qoǵamdyq birlestikteriniń ókilderi qatysty.