Qyrǵyzstan prezıdenti Saýranbaı Jıenbekov Aqordaǵa keldi, dep habarlaıdy Qamshy.kz aqparat agenttigi.

Qazaqstan prezıdenti Nursultan Nazarbaev qyrǵyz áriptesimen kezdesý barysynda eki el arasyndaǵy yntymaqtastyqtyń nyǵaıa beretinine senim bildirdi.

- Qosh keldińiz, Saýranbaı Sháripuly. Búginde birneshe máseleler sheshilip jatyr. Jol kartamyz bar, saýda-sattyq ta jaqsy bolyp jatyr. Bolashaqta barlyǵy durys bolady dep esepteımiz. Ózbekstan, Tájikstan elderimen áli de kóp jumystar jasaımyz. Munyń barlyǵy el úshin jasalyp otyrǵan ister. Búgin bes memlekettiń basshylary kezdesip, talqylaıtyn máseleler bar. Ózimizdiń ekonomıka, saýda-sattyq, logıstıka jáne basqa da máselelerdi sheshýge múmkinshilik bolady dep sanaımyn. Óz pikirińizdi aıtyńyz, birlesip sheshemiz, - dedi Elbasy.

Búgin Astanada Ortalyq Azıa memleketteriniń basshylary kezdesedi. Baýyrlas elderdiń jetekshileri alǵash ret Kremldiń qatysýynsyz ózara jıyn ótkizbek.

Búgingi jıynǵa Qazaqstan, Qyrǵyzstan, Tájikstan, Ózbekstan prezıdentteri jáne Túrkmenstan parlamentiniń tóraǵasy qatysady.