Qazaqstandyq bıznesmen, BI Group iri qurylys kompanıasynyń basshysy Aıdyn Rahımbaev Ońtústik Qazaqstan oblysyndaǵy jeti jasar balaǵa qatysty oqıǵaǵa aralasty.
«Ana úıi» qoǵamdyq qorynyń qamqorshylyq keńesiniń tóraǵasy Aıdyn Rahımbaev málimdegendeı, ana men balaǵa eshqandaı qaýip tónip turǵan joq, olar qazir kúsheıtilgen kúzetpen qorǵalǵan.
«Endi bala shynymen de qaýipsiz jerde, anasymen birge bizdiń «Ana úıinde» kúsheıtilgen kúzetpen qorǵalǵan! Ana bir túrli áıelden áreń degende alyp kettik, Astanada oǵan OQO polıseıleri kómektesip, balany bermeı qoıdy! Arýjan Saıyn jarady!», — dep jazdy bıznesmen Facebook paraqshasynda.
16 naýryzda balalar isi boıynsha ýákil Zaǵıpa Balıeva buryn baılanysqa shyqpaǵan balanyń anasy Astanaǵa keledi dep habarlady. Sol kúni keshkisin advokat pen jeti jasar balanyń anasy ájesi men jetkinshek ornalastyrylǵan «Asyl Bala» ortalyǵyna barady. Advokattyń aıtýynsha, anasy balasyn alyp ketkisi kelgen, biraq ortalyqta jetkinshekti bermeı jatqan kórinedi. Keıinirek ol bala men anasynyń qaýyshqanyn jetkizdi.
